Aðstæður geta orðið til þess að þú getur ekki tekið á móti gestum eins og þú ætlaðir þér. Ekki er hægt að gera breytingar á bókunum sem eru yfirstaðnar en til að breyta staðfestri eða yfirstandandi bókun sendir þú gestinum beiðni um breytingu á ferð þar sem þú leggur til aðrar dagsetningar, tíma eða verð. Þú getur jafnvel lagt til að gestir gisti á öðrum stað ef þú ert með fleiri en eina eign á skrá.
Ef gesturinn hefur þegar sent þér beiðni um breytingu á ferð getur þú kynnt þér hvernig þú svarar beiðni gests um breytingu á ferð og hvernig þú getur hafnað beiðni um breytingu á ferð.
Ef gestur hafnar eða svarar ekki helst bókunin óbreytt.
Ef þú sendir inn beiðni um breytingu á ferð og gesturinn hefur ekki svarað henni getur þú prófað að senda skilaboð til að minna viðkomandi á að fara yfir beiðnina.
Hafðu eftirfarandi í huga: Gesturinn getur valið að hafna beiðni um breytingu á ferð. Ef gesturinn hafnar og þú getur ekki tekið á móti viðkomandi þarftu að fella niður bókunina.
Ef viðkomandi samþykkir verður bókunin uppfærð í samræmi við nýju breytingarnar. Ef verðið breytist verður mismunurinn innheimtur eða endurgreiddur til viðkomandi eftir því sem við á.
Í flestum tilvikum verður greiðslumáti gestsins skuldfærður sjálfkrafa. Gesturinn verður beðinn um að ganga frá greiðslu innan tveggja sólarhringa fyrir suma greiðslumáta. Ef greiðslan berst ekki verður breytingunni sjálfkrafa hafnað og bókunin fer aftur í fyrra horf.
Ef þú ert að breyta bókunardagsetningunum gæti verðið á upphaflegu bókuninni breyst. Breytingar á gestafjölda geta leitt til hækkunar eða lækkunar á verði upphaflegu bókunarinnar, en það fer eftir gjaldstillingum fyrir viðbótargesti við bókun.
Upphaflega heildarupphæðin og nýja heildarupphæðin verða sýndar gestum áður en þeir samþykkja breytingabeiðnina. Ef ferðakostnaður breytist og gesturinn samþykkir breytinguna verður mismunurinn annaðhvort skuldfærður hjá viðkomandi eða endurgreiddur eftir því sem við á.
Ef bókun er breytt úr langdvöl í gistingu sem varir í 27 nætur eða skemur (skammtímagistingu) mun almenna afbókunarreglan sem þú valdir fyrir skráninguna gilda um frekari breytingar eða afbókanir á bókuninni.
Ef lengd bókunar er breytt og dvöl sem varir í 27 nætur eða skemur verður að langdvöl sem varir í 28 nætur eða lengur, mun afbókunarreglan fyrir langtímabókanir sem þú valdir fyrir skráninguna þína gilda um frekari breytingar eða afbókanir á bókuninni.
Ef langdvöl er breytt en hún varir áfram í 28 nætur eða lengur mun afbókunarregla þín fyrir langtímabókanir gilda um bókunina, óháð breytingum á dagsetningum.
Ef dvöl sem varir í 27 nætur eða skemur er breytt en dvölin telst áfram til skammtímagistingar mun almenna afbókunarreglan þín áfram gilda um frekari breytingar eða afbókanir á bókuninni.
Ef þú getur ekki tekið á móti gestinum í eigninni sem viðkomandi bókaði en þú ert með pláss í annarri eign, þarftu að spyrja hvort það sé í lagi áður en þú sendir breytingabeiðni:
Ef bókunin er fyrir skammtímagistingu (27 nætur eða skemur) mun afbókunarreglan fyrir bókun gestsins á nýju skráningunni vera sú sama og afbókunarreglan sem gilti um upphaflegu bókunina. Þetta á við jafnvel þótt þú hafir valið mismunandi afbókunarreglur fyrir skráningarnar.
Þú getur aðeins breytt um skráningu gestsins með því að senda beiðni um breytingu á ferð ef hin skráningin er tengd gestgjafaaðgangi þínum. Ef hin skráningin er á aðgangi samgestgjafa þarftu að fella niður upphaflegu bókunina og fá gestinn til að bóka upp á nýtt.
Breytingar á lengd bókunar geta haft áhrif á það hvort gestur þinn uppfylli enn skilyrði fyrir viku- eða mánaðarafslátt.
Ef gesturinn bókaði með forsamþykki sem þú sendir verða allar breytingar á bókuninni endurreiknaðar eins og um nýja bókun væri að ræða.
Þú getur eftir sem áður boðið gestinum sama verð og hið upphaflega. Þú getur breytt verðinu, ásamt dagsetningum bókunarinnar, í sömu breytingabeiðni. Gættu þess bara að láta viðkomandi vita.
Þegar beiðni um breytingu á ferð er samþykkt eru skattar fyrir bókun ávallt endurreiknaðir þannig að þeir séu í samræmi við nýjustu og nákvæmustu skattkröfur þar sem eignin er.
Ekki er hægt að gera breytingar ef útritun gests er þegar lokið. Ef um beiðnir tengdar fjárupphæð er að ræða getur þú sent gesti þínum greiðslu eða óskað eftir greiðslu frá honum í úrlausnarmiðstöðinni.
Hafðu í huga að þú getur aðeins sent eina breytingabeiðni fyrir bókun í einu. Þegar breytingar hafa verið gerðar þarf að senda nýja beiðni til að gera frekari breytingar.
Gerðir þú mistök? Þú getur ekki breytt breytingabeiðni eftir að þú sendir hana en þú getur hætt við og sent nýja.
Ef bókun varir í 28 nætur eða lengur gildir afbókunarreglan fyrir langtímagistingu. Þegar breytingabeiðni er send fyrir langdvöl getur breytingin tekið gildi sjálfkrafa, án samþykkis, að því tilskildu að:
Ef langdvöl er stytt þannig að hún vari í 27 nætur eða skemur (skammtímagisting) ber gestinum að greiða fyrir eftirstandandi 30 daga frá breytingadegi eða dagana fram að bókunarlokum, séu færri en 30 dagar eftir.
Þegar bókun er breytt úr langdvöl þannig að hún vari í 27 nætur eða skemur (skammtímagisting) mun almenn afbókunarregla gestgjafans gilda um frekari breytingar eða afbókanir.