Notkun og upplýsingagjöf varðandi öryggismyndavélar, upptökubúnað, hljóðmæla og snjalltæki á heimilum

Við leyfum gestgjöfum ekki að vera með öryggismyndavélar eða upptökubúnað sem vaktar rými innandyra á heimilum, jafnvel þótt slökkt sé á þessum búnaði. Faldar myndavélar hafa ávallt verið bannaðar og verða áfram bannaðar. Gestgjöfum er heimilt að vera með öryggismyndavélar utandyra, hljóðmæla og snjalltæki á heimilum svo lengi sem farið er að neðangreindum leiðbeiningum og gildandi lögum.

Reglurnar tóku gildi 30. apríl 2024.

Öryggismyndavélar og upptökubúnaður

• Öryggismyndavélar og upptökubúnaður eru öll tæki sem taka upp eða senda myndskeið, myndir eða hljóð eins og barnatalstöð eða dyrabjöllumyndavél.
• Faldar öryggismyndavélar eru stranglega bannaðar.
• Gestgjafar mega ekki vakta með öryggismyndavélum eða upptökubúnaði nein rými innandyra (svo sem gang, svefnherbergi, baðherbergi, stofu eða gestahús) jafnvel þótt slökkt sé á þessum búnaði eða hann aftengdur. Þetta á líka við um almenn svæði og sameiginleg rými á heimilum sem bjóða sérherbergi (t.d. inni í stofu).
  • Gestgjöfum tiltekinna skráninga í Japan með hótelrekstrarleyfi gæti verið skylt samkvæmt lögum að hafa öryggismyndavél sem fylgist aðeins með inngangi heimilisins innanfrá. Upplýsa verður gesti um slíkar myndavélar og þær mega ekki beinast að neinu nema innganginum og þær mega ekki taka upp hljóð.
• Gestgjöfum er óheimilt að hafa öryggismyndavélar og upptökubúnað við útisvæði heimilis þar sem notendur vænta meira næðis, svo sem inni í lokaðri útisturtu eða í sánu.
• Gestgjöfum er heimilt að hafa öryggismyndavélar og upptökubúnað utandyra en verða að greina frá staðsetningu búnaðarins í skráningarlýsingunni (t.d.: „ég er með myndavél í garðinum mínum“, „ég er með myndavél við veröndina“, „ég er með myndavél við sundlaugina“ eða „ég er með dyrabjöllumyndavél sem fylgist með útidyrunum og ganginum í íbúðarbyggingunni minni“).
• Heimilisgestgjöfum ber að greina frá öryggismyndavélum og upptökubúnaði sem þeir ráða yfir utandyra, svo sem á gangi íbúðarbyggingar eða í bakgarði.

Hljóðmælar

• Hljóðmælar eru tæki sem meta hljóðstig og tímalengd þess en taka ekki upp hljóð.
• Heimilisgestgjöfum er heimilt að hafa hljóðmæla innanhúss á heimilum ef gestgjafinn greinir frá því að þeir séu til staðar og að þeir séu ekki í svefnherbergjum, baðherbergjum eða svefnaðstöðu. Gestgjöfum er ekki skylt að greina frá því hvar hljóðmælar þeirra eru staðsettir.

Snjalltæki á heimilum

• Snjalltæki á heimilum eru tæki sem tengjast og hafa samskipti við önnur tæki eða netkerfi eins og Alexa frá Amazon og Nest frá Google.
• Heimilisgestgjöfum er heimilt að vera með snjalltæki á heimilum.
• Heimilisgestgjafar eru hvattir til að greina frá þeim í skráningunni sinni en það er ekki áskilið. Við hvetjum gestgjafa einnig til að gefa gestum kost á að taka snjalltæki úr sambandi eða gera þau óvirk.

Að láta vita af öryggismyndavélum og upptökubúnaði

Greindu frá hljóðmælum