Öryggisupplýsingar fyrir heimilisskráningar

Öryggi er forgangsmál hjá okkur. Til að koma í veg fyrir óvæntar uppákomur og tryggja gagnsæi biðjum við gestgjafa um að taka á móti gestum á ábyrgan hátt með því að fylla út alla hluta varðandi öryggi ogaðgengi með gagnlegum upplýsingum um það sem gestir mega búast við þegar þeir gista á heimilinu.

Hvaða hluta þarf að uppfæra

Vertu viss um að klára hluta um öryggi gesta í skráningunni auk þess að greina frá neðangreindum upplýsingum í lýsingunni.

Öryggisatriði

Lýstu eigninni og umhverfi hennar svo að gestir geti tekið upplýsta ákvörðun um hvort hún henti þeim:

• Hentugleiki fyrir börn: Hvort gestir megi búast við einhverju sem börnum gæti stafað hætta af.
• Sundlaug eða heitur pottur: Hægt að komast beint í sundlaug eða heitan pott án þess að fyrir sé hlið eða lás
• Vatn: Beinn, ótakmarkaður aðgangur að sjó, tjörn, læk eða öðru innan lóðar eða við hliðina á henni
• Klifur- eða leikgrind: Beinn, ótakmarkaður aðgangur að leiktækjum, rólu, rennibraut, reipum og fleiru.
• Óvarðar hæðir: Aðgangur að svæði eða mannvirki sem er hærra en 76,2 cm/30 tommur sem er ekki með handriði eða annarri vörn
• Dýr á lóð eða við eignina: Hvort gestir gætu komist í snertingu við dýr sem gætu valdið skaða, svo sem hest eða hættulegt dýr.

Öryggisbúnaður

Láttu gesti vita af hlutum eins og:

• Öryggismyndavélar eða upptökubúnaður:
  • Utanhúss: Greina verður frá búnaði í skráningarlýsingunni og ekki ætti að vakta svæði þar sem notendur vænta meira næðis, svo sem inni í lokaðri útisturtu eða í gufubaði.
  • Innanhúss: Gestgjöfum er óheimilt að hafa öryggismyndavélar eða upptökubúnað til að fylgjast með innandyra nema í tilteknum skráningum í Japan með hótelrekstrarleyfi þar sem gestgjöfum gæti verið skylt samkvæmt lögum að hafa myndavél sem fylgist aðeins með inngangi skráningarinnar innanhúss (upplýsa verður gesti um slíkar myndavélar, þær mega ekki beinast að öðrum hlutum eignarinnar en inngangi og þær mega ekki taka upp hljóð). Faldar öryggismyndavélar eru stranglega bannaðar.
• Hljóðmælir: Greina ætti frá búnaði sem mælir hljóðstyrk og tímalengd hljóðs en tekur ekki upp hljóð. Þessi búnaður er bannaður í svefnherbergjum, á baðherbergjum og við svefnaðstöðu.
• Reyk- og kolsýringsskynjarar:
  • Kolsýringsskynjari: Sé kolsýringsskynjari á staðnum ætti að taka það fram undir þægindi. Vanti þennan búnað, eða ef hann er ekki tekinn fram, verður látið vita af því á skráningarsíðunni.
  • Reykskynjari: Búnaður sem nemur og varar við reyk og/eða eldi. Ef hann er ekki á staðnum eða ef þú tekur ekki fram hvort reykskynjarinn sé á staðnum eða ekki verður látið vita af því á skráningarsíðunni.
  • Við hvetjum gestgjafa eindregið til að koma fyrir reyk- og kolsýringsskynjurum, prófa þá reglulega og passa að skráningarlýsing sé uppfærð.

Upplýsingar um eign

Láttu gesti vita af eftirfarandi:

• Stigar: Hvort gestir þurfi að ganga upp og niður stiga meðan á dvölinni stendur og viðbótarupplýsingar (staðsetning þeirra, halli, aðgengi fyrir hjólastóla, handrið o.s.frv.).
• Hávaði: Hvort óhjákvæmilegur hávaði geti stafað af umferð, byggingarframkvæmdum eða hávaða frá nálægum fyrirtækjum.
• Gæludýr: Tegund og fjöldi gæludýra til staðar í eigninni og hvernig gestir koma til með að umgangast þau.
• Bílastæði: Upplýsingar sem gestir ættu að vita varðandi bílastæði nálægt eigninni (hve mörgum ökutækjum má leggja við eignina, upplýsingar varðandi bílastæði við götuna og fleira)
  • Gestgjafar geta veitt þessar upplýsingar í þægindahluta skráningarlýsingar. Undir þægindum má nefna gjaldfrjáls bílastæði á staðnum, gjaldfrjáls bílastæði við götuna, gjaldskyld bílastæði utan lóðar og/eða gjaldskyld bílastæði á lóð.
• Sameiginleg rými: Hvort gestir megi gera ráð fyrir að deila einhverju rými (eldhúsi, baðherbergi, verönd eða öðru) með öðrum.
  • Gestgjafar geta gefið þessar upplýsingar í myndleiðangrinum með því að velja „sameiginlegt herbergi“ í friðhelgisupplýsingum í hverju rými fyrir sig í leiðangrinum.
• Takmarkanir á þægindum: Hvort eitthvað vanti sem gestir reikna með (svo sem þráðlaust net, rennandi vatn eða innisturta) eða hvort tiltekin þægindi séu takmörkuð (til dæmis að ekki sé hægt að drekka vatn af krana)
• Vopn á staðnum: Ef eitt eða fleiri vopn eru á staðnum verða þau að vera leyfð samkvæmt gildandi lögum sem og reglum okkar og þau þarf að tilgreina á skráningarsíðunni og geyma á öruggum stað. Frekari upplýsingar um reglur okkar um vopn.

Húsreglur

Láttu gesti vita hvort þeir þurfi að fylgja húsreglum í dvölinni. Þú getur stillt væntingar varðandi reykingar, gæludýr, kyrrðartíma og annað sem hjálpar þér að passa upp á eign þína og losna við áhyggjur.

Þú getur einnig valið hvaða tegundir þjónustu má veita á heimilinu. Þú getur uppfært hvaða þjónustu má veita í húsreglunum svo að gestir viti hvað þú leyfir.