Aðferðir til að votta staðsetningu heimilisskráningar þinnar

Gestir ættu að geta gengið að því vísu að skráningar séu af raunverulegum heimilum og að uppgefið heimilisfang sé rétt. Það er ástæða þess að við biðjum gestgjafa um að votta staðsetningu skráninga sinna.

Hvað felst í vottun á staðsetningu

Til að votta staðsetningu heimilis þíns verður þú að sýna fram á:

• Að eignin sé raunverulega til
• Að hún sé við heimilisfangið sem þú tilgreindir
• Að þú (eða einhver með heimild frá þér) hafi aðgang að eigninni

Fáðu frekari upplýsingar um hvernig vottunarferlið virkar fyrir gestgjafa eða kynntu þér vottun á staðsetningu frá sjónarhóli gesta.

Ef þú þarft að votta staðsetningu eignar þinnar látum við þig vita og tilgreinum hvaða vottunaraðferðir standa þér til boða. Sumar aðferðir standa ekki öllum gestgjöfum til boða.

Óháð vottunaraðferð látum við þig vita innan sólarhrings ef skráningin þín hefur staðist vottun eða hvort við þurfum frekari upplýsingar.

Aðferð 1: Taktu tvær myndir

Notaðu Airbnb appið til að taka tvær nýjar myndir, aðra utandyra og hina innandyra í eigninni. Myndin sem tekin er innandyra þarf að samsvara tiltekinni mynd af sama rými í myndleiðangrinum þínum.

• Heimilaðu aðgang að myndavél og nákvæmri staðsetningu
• Þú þarft að vera með þráðlausa netið tengt eða með gott farsímasamband
• Gakktu úr skugga um að heimilisfang skráningarinnar og pinninn á kortinu stemmi

Athugaðu: Airbnb gæti notað staðsetningargögn þín til að bera saman staðsetningu tækis þíns við skráninguna sjálfa.

Notaðu ljósmyndir og Airbnb appið til að votta heimilisskráningu þína

Aðferð 2: Taktu upp þrjú myndbönd

Notaðu myndavél símans til að taka upp þrjú stutt myndbönd (hvert og eitt styttra en 20 sekúndur):

• Innandyra þar sem þú sýnir alrýmið og hvar þú gengur út um framdyrnar
• Utanfrá þar sem þú sýnir framhlið eignarinnar
• Nálægt eigninni þar sem þú sýnir götuskilti eða næstu gatnamót, helst innan tveggja húsaraða

Athugaðu: Áður en þú hefst handa skaltu ganga úr skugga um að upplýsingarnar sem þú slóst inn fyrir staðsetningu heimilisins og kortapinninn stemmi.

• Einkvæmur kóði þarf að koma fram í hverju myndbandi. Áður en þú hefst handa færð þú einkvæman fjögurra talna kóða sem þarf að sjást í hverju myndbandi. Við mælum með því að þú skrifir kóðann niður á blað (sem er nógu stórt til að sjást vel á mynd) og haldir því uppi í hverju myndbandi.
• Andliti þínu verður að bregða snöggt fyrir í hverju myndbandi. Ef síminn þinn býður ekki upp á að skipta milli fram- og afturmyndavélar á meðan þú tekur upp myndband getur þú snúið símanum við til að ná mynd af andliti þínu.
• Hladdu upp vistuðum myndböndum. Þegar allt er til reiðu getur þú hlaðið myndböndunum upp hvaðan sem er, óháð staðsetningu þinni. Hvert myndband sem þú hleður upp má vera allt að 100 MB.

Vottaðu staðsetningu heimilisskráningar þinnar með myndböndum

Aðferð 3: Biddu einhvern annan um að votta fyrir þína hönd

Er eignin þín í annarri borg en þú býrð í? Þú getur beðið einhvern annan um að hjálpa þér að votta staðsetningu skráðu eignarinnar fyrir þína hönd með myndum eða myndböndum ef þú þarft að bera saman myndir eða taka upp myndbönd en þú getur ekki farið á staðinn í eigin persónu.

• Viðkomandi þarf að vera með eigin aðgang að Airbnb og nýjustu útgáfu Airbnb appsins
• Viðkomandi þarf að heimila aðgang að myndavél og nákvæmri staðsetningu
• Gefðu okkur upp netfang manneskjunnar þannig að við getum sent leiðbeiningar

Athugaðu: Viðkomandi fær hvorki aðgang að aðgangi þínum að Airbnb né neinum stillingum þínum sem gestgjafa.

Svona deilir þú leiðbeiningum til að votta staðsetningu heimilisskráningar þinnar

Aðrar aðferðir sem við gætum notað við vottun

Flestir gestgjafar sem þurfa að votta staðsetningu heimila sinna geta gert það með myndum eða myndböndum en aðrar aðferðir eru einnig í boði.

Vottun með því að framvísa gögnum

Í sumum tilvikum gætum við óskað eftir gögnum í stað vottunar sem fer fram á staðnum.

Ef við biðjum þig um að framvísa gögnum tekur þú ljósmynd af gjaldgengu skjali eða hleður upp því sem þú ert með á skrá. Myndin eða skráin verður að innihalda alla síðuna. Hluti af síðu dugir ekki til. Gjaldgengt skjal er skjal sem:

• Tengir þig opinberlega við heimilisfang eignarinnar, svo sem reikningur frá veitufyrirtæki, greiðsla af húsnæðisláni, skjöl varðandi fasteignaskatt eða aðild að húseigendafélagi
• Sýnir greinilega nafn þitt og allt rétt heimilisfang eignarinnar
• Hefur ekki verið breytt á nokkurn hátt
• Barst innan 60 daga (flest skjöl) eða innan 365 daga (eingöngu leigusamningar)
• Er á .png, .jpg, .jpeg eða .pdf-sniði og minna en 10 MB

Við munum yfirfara gögnin og láta þig vita innan sólarhrings hvort við getum staðfest heimilisfangið. Ef ekki er hægt að staðfesta gögnin þín getur þú reynt aftur allt að fimm sinnum.

Vottun með öryggiskóða

Sums staðar, til dæmis þar sem þess er krafist samkvæmt staðbundnum reglum, gætir þú þurft að votta staðsetningu skráningar með öryggiskóða sem þú færð sendan bréfleiðis.

Hvernig það gengur fyrir sig:

• Bréf sem inniheldur einkvæman kóða verður póstlagt á heimilisfang eignarinnar
• Opnaðu vefslóðina sem þú fékkst gefna upp og sláðu inn kóðann innan 60 daga frá móttöku bréfsins
• Niðurstöður birtast yfirleitt innan nokkurra mínútna

Til að uppfylla skilyrðin:

• Póst verður að mega bera út á heimilisfang eignarinnar. Það er ekki nóg að þar sé hægt að taka á móti pakkasendingu
• Þarft þú að geta tekið við póstinum innan uppgefins tímaramma
• Má bréfið aðeins sendast til heimilisfangs eignarinnar
• Ef bréfið berst þér ekki innan þriggja vikna skaltu hafa samband við okkur og óska eftir nýju.

Ef þú átt í vandræðum með kóðann skaltu athuga hvort þú hafir slegið hann rétt inn og að færri en 60 dagar séu síðan bréfið barst. Gakktu úr skugga um að þú sért að slá inn réttan kóða fyrir eignina ef þú ert með fleiri en eina eign sem þarf að votta. Þú finnur skráningartitilinn efst í bréfinu.

Athugaðu: Þú þarft að skrá þig inn á aðgang þinn að Airbnb til að slá inn öryggiskóðann. Ef þú getur ekki sótt póstinn þinn getur umsjónaraðili eignarinnar eða annar umboðsaðili gert það fyrir þig og látið þig fá vefslóðina og kóðann á bréfinu. Við mælum eindregið gegn því að deila lykilorðum með öðrum.

Villugreining ef eitthvað kemur upp við vottun skráningar

Áttu í vandræðum? Hér eru nokkrar ábendingar um að leysa úr vandamálum við vottun á skráningu.